Акцияның мақсаты - қоныс аударатын құстардың келуіне ересектер мен балалардың назарын аудару.
Тәрбиеленушілер мен олардың әкелеріне акцияға қатысуға және жайлы құс үйлерін жасауға ұсынылды.
Балалар үлкен мақтанышпен әкелерімен бірге жасаған құс үйлерін әкелді. Барлық құс үйлері балабақша аумағындағы ағаштарға орналастырылды.
Бүгінгі таң балабақшамыз ата-аналар мен балабақша тәрбиеленушілерін көңілді домбыра әндерімен, дәмді бауырсақтармен қарсы алды! Балабақша ұжымы ата-аналар мен бүлдіршіндерді Наурыз көктем мерекесі қарсаңында жылы лебіздерін айтып құттықтады!
Наурыз айының 17 күні балабақшада «Мектеп жасына дейінгі балалардың көркемдік-эстетикалық, шығармашылық дамуындағы театр қызметінің рөлі» атты қалалық семинар өтті. Семинар барысында балабақша тәрбиешілері мен ЕАГИ жоғарғы колледж ұстаздары және студенттері театр түрлерін қолдана отырып, біріккен жұмыс іс-тәжірибесін көрсетті.
Атап айтқанда «Ақбота» мектепалды даярлық тобының тәрбиеленушілерімен «Марионетка» театрын қолданып «Түлкі мен қоян» ертегісінің желісі бойынша қойылым көрсетті. Қойылым барысында балалар ертегі кейіпкерлерінің рөлін жоғары деңгейде сомдай білді.
8 Наурыз көктем мерекесі қарсаңында балабақшамызда аяулы аналарымызға, қымбатты әжелерімізге арналған мерекелік ертеңгіліктер өтті! Балабақшаның тәрбиеленушілері бұл мерекені аяулы аналары мен әжелерін қуанту үшін өздерінің өлең-жырларымен, әндерімен тамаша сыйлықтармен асыға күтті.
